ایسڈ(تیزاب)بیسسز(اساس) سالٹس(نمک) Hakeem qari m younas shahid

 ایسڈ(تیزاب)بیسسز(اساس) سالٹس(نمک)

 Hakeem qari m younas shahid 

ایسڈ(تیزاب)بیسسز(اساس) سالٹس(نمک)

مختلف عناصر کے کیمیائی لاتعداد کمپاؤنڈ بنائے جاسکتے ہیں۔ان گنت کمپاؤنڈ مختلف ضروریات کے لئے بنائے جاچکے ہیں۔ہر کوئی اپنی ضرورت کے کمپاؤنڈ کا نام و فارمولاہی یاد رکھتا ہے اس لئے آسانی کی خاطر انہیں گروپوں میں تقسیم کیاگیا تھا ان میں سے اساس۔تیزاب۔نمک کا مطالعہ اس جگہ کیا جائیگا۔ یہ روز مرہ کے استعمالات اور ضروریات زندگی ہیں انہیں پہنچان کر ہم کھانے پینے ۔ صفائی ستھرائی اجناس کا تحفظ وغیرہ امور میں کام لیتے ہیں۔

تیزاب۔۔

ایسڈ کے معنی ترش چیز کے ہیں۔تیزاب کے ماخذ میں معدنیات اور تالیفی ذرائع ہیں معدنیاتی تیزوبوں کو منرل ایسڈر کہا جاتا ہے کئی پھولوں ۔پودوں جانو روں میں پائے جاتے ہیںانہیں آرگینک ایسڈز کہا جاتا ہے۔جیسے مارمک ایسڈ چینوٹی میں۔ایسٹک ایسڈ سرکہ۔آگریلک ایسڈ ٹماٹر میں ۔ سٹرک ایسڈ سٹرس فروٹ۔ ٹاٹارک ایسڈ املی اور انگور میں۔لیکٹک ایسڈ دہی میں۔رہے منرل ایسڈز تو انہیں لبارٹری میں تیار کیا جاسکتا ہے جیسے ہائڈرو کلورک ایس (HCI)،سلفورک ایسڈ (H2SO4)نائٹرک ایسڈ (HNO3)۔

ایسڈز کے خواص کیمسٹری کی نگاہ میں۔

(1)تمام ایسڈز ا ذائقہ ترش ہوتا ہے(2)تمام ایسڈز نیلے لٹمس سولیوشن اور میتھائل اورنج کو سرخ کردیتے ہیں(3)میٹلز کے ساتھ تعاملات میں جیسے میگنیشیم(Mg) ۔ زنک (Zn)،ایلومینیم (Al)و غیرہ سے تعامل کرکے ہائڈروجن گیس خارج کرتے ہیں اور اس کے ساتھ ساتھ سالٹ بناتے ہیں۔

کاربونیٹس اور ہائڈروجن کاربونیٹس سے تعاملات۔۔۔

ایسڈز کاربونیٹس اور ہائڈروجن کاربونیٹس سے تعامل کرکے نمک بناتے ہیں اس کے ساتھ ساتھ کاربن ڈائی آکسائڈ کا اخراج بھی ہوتا ہے۔تیزابوں کے آبی محلول بجلی کے موصل ہوتے ہیں 

ایسڈز ۔تیزابوں کے استعمالات۔

سلفورک (گندھک)ایسڈ کے استعمال۔

(1)یہ بطور خشک کندہ کام کرتا ہے (2) امونیم سلفیٹ اور کیلسیم سپر فاسفیٹ کھادیں بنانے کے کام آتا ہے۔ مصنوعی سلک۔ رنگ و روغن ،پلاسٹکس اور ادویات بنانے کے لئے کام میں لایا جاتا ہے (3) ڈٹرجنٹس بنانے کے کام آتا ہے(4)اس کی مدد سے پٹرولیم صاف کیا جاتا ہے (5)کاغذ و کپڑے کی صنعت میں استعمال ہوتا ہے (6) بطور الیکٹرو لائٹ کام دیتا ہے ۔اس کے بے شمار فوائد و استعمالات ہیں جن کی بنیاد پر سلفورک ایسڈ کو کیمیکلز کا بادشاہ کہا جاتا ہے (7)اس میں نیلا لٹمس سرخ ہوجاتا ہے (8)تعفن و جراثیموں کو تلف کرنے  کے لئے کام میں لایا جاتا ہے (9)دیسی لوگ بھی اسے اپنے کاموں میں استعمال کرتے ہیں(10)ٹیوبلوں کے بوروں کی صفائی کے لئے استعمال کیا جاتا ہے۔

ہائڈروکلورک ایسڈ(HCl)

(1)یہ عام چٹانی سالٹ(NaCI) کو صاف کرنے میں استعمال ہوتا ہے(2)میٹلز کی سطح پر موجود زنگ دور کرنے کے کام آتا ہے(3)اسے نائٹرک ایسڈ کے ساتھ ملاکر آب سلطانی بنایا جاتا ہے جو سونے جیسی دھات کو بھی حل کرلیتا ہے (4) کاربو ہائڈ ریٹس سے گلوکوز بنانے میں استعمال ہوتا ہے (5)یہ انسانی معدہ میں خوراک کو ہضم کر نے میں مدد دیتا ہے اور معدہ میں بطور جراثیم بھی عمل کرتا ہے۔

نائٹرک ایسڈ(HNO3)

(1)یہ امونیم کھاد بنانے کے کام آتا ہے(2)اس کی مدد سے بارود اور دھماکہ خیز مود بنایا جاتا ہے(3)مصنوعی سلک اور رنگوں کی صنعتوں میں کام لیا جاتا ہے(4)یہ کوپر۔ براس ۔ برونز جیسی دھاتوں پر نقش و نگار بنانے کے لئے استعمال ہوتا ہے ۔

ایسٹک ایسڈ(CH3COOH)

(1یہ اچار بنانے کے کام آتا ہے(2)مصنوعی دھاگہ بنانے کے کام آتا ہے وغیرہ۔

بیسز(Bases)

سوڈیم(Na)پوٹاسیم(K)کیلسیم(Ca)میٹلز پانی سے تعامل کرکے بالترتیب سوڈیم ہائڈرو آکسائڈ(NaOH)پوٹاسیم ہائڈروآکسائڈ( KOH) اورکیلسیم ہائڈرو آکسائڈ بناتی ہیں۔ان کیمیائی تعاملات کے دوران ہائڈروجن گیس بھی خارج ہوتی ہے۔ان کمپاؤنڈ کے فارمولوں میں آپ کوکونسی شے مشترک نظر آتی ہے؟ان سب میں ہائڈروج اکسا ئڈ (HO-)گروپ مشترک ہے۔اس کی ویلنسی منفی ایک ہے۔اس لئے بیسز کا جنرل فارمولا (OH3) M۔لکھاجاتا ہے۔Mایک دھات ہے جن کی ویلنسی nہے۔ nکی قیمت 2.1اور3ہوسکتی ہے۔مثلاََ ایلومینیم ہائڈرواکسائڈ کا فارمولا3( OH)Alہے کیونکہ ایلومینیم کی ویلنسی3ہے۔پس بیس(اساس)ایک ایسا کمپاؤنڈ ہے جس کے ایک مالیکیول میں ایک یا ایک سے سے زائد ہائڈرواکسائڈ گروپس موجود ہوتے ہیں۔امونیم پائڈرواکسائڈ(NH4 OH) بھی ایک اساس ہے۔اس اساس کا مثبت ریڈیکل ایک غیر دھاتی آئن امونیم (NH4+)ہے جو امو نیا(NH3)اور پانی کے میلاپ سے بنتا ہے۔پانی میں حل پزیر اساس الکلی (Alkali)کہلاتا ہے۔تمام میٹلک آکسائڈ کے خواص بھی بیسز سے ملتے ہیں .

اساسوں کے خواص۔

(1)انہیں چھونے سے پھسلن محسوس ہوتی ہے(2)اساس سرخ لٹمس پیپر یا سلیوشن کو نیلا۔بے رنگ فینا فتھالین کو گہرا گلابی اور میٹھائل اورنج کو پیلا کردیتے ہیں(3)ان کے ذائقے کڑوے ہوتے ہیں(4)آبی محلول میں الیکٹریسی کے موصل ہوتے ہیں (5)بیس تیزاب کے ساتھ مل کر نمک اور پانی بناتے ہیں۔

اساسوں کے استعمال

سوڈیم ہائڈرو اکسائڈ(NaOH)(1)یہ صابن ۔کپڑے اور پلاسٹک کی صنعتوں میں استعما ل ہوتا ہے۔(2)اسے پیٹرولیم کی صفائی میں استعمال کیا جاتاہے۔ (3)مصنوعی دھاکہ بنتا ہے۔(4)کاغذ و ادویات میں بھی استعمال ہوتا ہے۔

کیلسیم ہائڈرواکسائڈ۔2(OH)Ca۔ٹھوس کیلسیم ہائڈرواکسائڈ کو بجھا ہوا چونا بھی کہتے ہیں 

(1)بیلیچنگ پاؤڈر بنانے کے کام آتا ہے(2)تیزاب سے جلے اعضاء پر بطور مرہم لگاتے ہیں(3)گندھک اور کیلسیم ہائڈرواکسائڈ کا میکچر بطور فطر کش استعمال ہوتا ہے (4) پانی کے عارضی سخت پن کو دور کرنے کے لئے استعمال ہوتا ہے(5)زمین اور جھیلوں میں تیزابہت کم کرنے میں استعمال ہوتا ہے۔

امونیم ہائڈرواکسائڈ(NH4OH)یہ امونیم سلفیٹ۔امونیم فاسفیٹ اور امونیم نائٹرٹ کھادیں بنانے میں کام آتاہے۔اس کے آبی سلیوشن کپڑوں اور شیشوں سے تیل گریس کے داغ دھبے دور کرنے میں استعمال ہوتا ہے۔